ಗುರು

ಗುರುವೆಂದರಿಯೇ
ನೀ ಶಿಲ್ಫಿಯಲ್ಲವೇನು?
ವ್ಯರ್ಥ ಕಲ್ಲನು ತಂದು
ಸಮರ್ಥವಾಗಿ ಬಡಿದುಬಿಡು
ಉಳಿಯೇಟು ತಿಂದಷ್ಟು
ಕಲ್ಲಿಗೊಂದು ಆಕಾರ!
ನೀ ನೀಡಿದರೆ ಅದಕ್ಕೊಂದು ನುಡಿಯನು
ಅದು ಸಾರುವುದು ಶಿಲ್ಫಿಯ ಪರಿಯನು
ನೀನದರ ಸಾನಿಧ್ಯವ ಒಲ್ಲೆಯೇನೊ?
ಅದು ಮೌನದಲೂ ಕೃತಜ್ಞತೆಯ
ಸಾರುವುದಿಲ್ಲವೇನು?

ನೀನಿರದೆ

ಮಂಜ ಮುಸುಕಂತೆ ಬರುವ ನಿನ್ನ ನೆನಪುಗಳೂ
ನೆರಳಂತೆ ಒಂದೇ ಸಮನೇ ಹಿಂಬಾಲಿಸುತ ಕಾಡುವ
ನಿನ್ನ ಒಡನಾಟ
ಅರ್ಥವಾಗದ ಮಾತುಗಳು
ತಿಳಿಯದ ಭವಿಷ್ಯ
ಇವೆಲ್ಲವ ತರ್ಕಕ್ಕೆ ಇರಿಸಿ ಕುಳಿತ ಮೌನ
ಕನಸ ಕದಡುತ ಹೊರಟ ಜೀವನ
ಎಷ್ಟು ದಿನ............?
ನರ ನರ ನಾಡಿಗಳಲಿ ಸೇರಿ ಹೋಗಿರುವ ನೀ
ನರನಾಡಿಗಳೆಲ್ಲ ಒಡೆದು
ಬರುವ ರಕ್ತದಂತೆಯಾದರೂ ನಿನ್ನ ನೆನಪುಗಳು ಮರೆಯಾಗಲಿ
ಗೆಳೆಯ ನೀ ಇಲ್ಲದೆ ನರಳುವುದು ನೆರಳು ಕೂಡ ಕಣ್ಮರೆಯಲಿ

ತಥಾಗತ

ದೇಹವನ್ನು ಮೀರಿದ ಶುದ್ಧ ಪ್ರೇಮ
ಸಕಲ ಭಾಗ್ಯವ ಮೀರಿದ ಸೌಭಾಗ್ಯ
ಕ್ಲೇಶವ ದೂಡಿದ ಪರಿಶುದ್ಧ
ನೋಟದೊಳಗೆ ನಿರ್ವಾಣದ ದೀಪ
ದೇಹಕ್ಕಿಂತ ಧರ್ಮ, ನಿರ್ವಾಣವೇ
ಮುಖ್ಯವೆಂದರಿತ ನೀ
ನಿಜವಾಗಿಯೂ ತಥಾಗತ!